E-kreiz ar goañv
E-KREIZ AR GOAÑV
Sellit ouzh ar strollad paotred
O vont kuit eus karter Penc’hoed !
En o zouez, Moyon, bet e lod
Gant e zevezhiad war an aod
Setu eñ en e di bremañ,
Un ti-soul m’eo mat bevañ
Hag ar micherour da wiskañ
e zilhad-chase ar c’haerañ
Eürusat gwaz e-kreiz ar goañv
O kas sioul war-raok e vag skañv !
Hiziv ez eus avel yen-du
O c’hwezhañ difonn er vro zu
Er geunioù ne glever mui trouz
Nemet yer-dour gant o glabous
En oabl koumoulek, un houad gouez
O tistreiñ d’ar Chaoser Nevez,
E Sant-Andrev-an-Doureier,
Kêrig bleuniet-kaer er Briver
Eürusat houad e-kreiz ar goañv
O tont sioul en oabl war e nañv !
Peder houadez, en ur poull-dour,
O kanañ ur werz a vouezh flour
An ozac’h yaouank didrubuilh,
A garg daou denn en e fuzuilh
E giez-chase tanav he fri,
En e gichen, zo war api
Hag eñ kuzh-mat er gorzeg c’hlas
Da lazhañ-mik an houad-korz bras
Eürusat gwaz e-kreiz ar goañv
O kas sioul war-raok e vag skañv !
Gwenn-Ael ar C'helleg
d’an 31 a viz Eost 2006
digg it
del.icio.us
Gwenn-Ael eo ma anv.